О святый угодниче Божий, священномучениче Киприане, скорый помошниче и молитвенниче о всех к тебе прибегающих! Прими от нас, недостойных, хваление сие; испроси у Бога в немощех укрепление, в печалех утешение и всем вся полезная в жизни нашей; вознеси ко Господу благомощную твою молитву, да оградит нас от падений греховных, да научит нас истинному покаянию, да избавит нас от пламения диавольского и всякаго действа духов нечистых и укротит обидящих нас. Буди нам крепкий поборник на вся враги видимыя и невидимыя; подаждь нам терпение в искушениях и в час кончины нашея яви нам заступление от истязателей на воздушных мытарствах; да водимии тобою, достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь.